घरातून दोन लाखांचे दागिने गायब, ड्रायव्‍हरच्या बायकोवर संशय, सिडको एन ४ मधील घटना

By City News Desk

On 12 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : ठेकेदार असलेले पती-पत्‍नी परभणीला गेल्यानंतर मोठ्या विश्वासाने ड्रायव्हरची पत्‍नी आणि मुली सांभाळणाऱ्या महिलेकडे घर सोपवून गेले. परत आल्यावर घरातील २ लाखांचे दागिने गायब होते. या घटनेनंतर ड्रायव्हरची पत्‍नी कॉल उचलत नसल्याने तिच्यावर संशय येऊन कंत्राटदार महिलेने तिच्याविरुद्ध पुंडलिकनगर पोलीस ठाण्यात तक्रार दिली आहे. त्‍यावरून पोलिसांनी गितांजली रंजीत भोसले (मूळ रा. […]

छत्रपती संभाजीनगर (सीएससीएन वृत्तसेवा) : ठेकेदार असलेले पती-पत्‍नी परभणीला गेल्यानंतर मोठ्या विश्वासाने ड्रायव्हरची पत्‍नी आणि मुली सांभाळणाऱ्या महिलेकडे घर सोपवून गेले. परत आल्यावर घरातील २ लाखांचे दागिने गायब होते. या घटनेनंतर ड्रायव्हरची पत्‍नी कॉल उचलत नसल्याने तिच्यावर संशय येऊन कंत्राटदार महिलेने तिच्याविरुद्ध पुंडलिकनगर पोलीस ठाण्यात तक्रार दिली आहे. त्‍यावरून पोलिसांनी गितांजली रंजीत भोसले (मूळ रा. बारामती, ह. मु. छत्रपती संभाजीनगर) हिच्याविरुद्ध गुन्हा दाखल केला आहे.

सावित्री कालिदास महामुनी (वय ३१, रा. पारिजातनगर, सिडको एन ४) यांनी या प्रकरणात तक्रार दिली आहे. त्‍या व त्‍यांचे पती दोघेही कंत्राटदार आहेत. दोन मुलींसह हे दाम्‍पत्‍य राहते. बुधवारी सायंकाळी सहाला त्‍या व त्‍यांचे पती कामानिमित्त परभणीला गेले होते. त्‍यावेळी घरात मुलींना सांभाळणारी एक महिला व त्‍यांच्या गाडीवरील ड्रायव्हर रंजीत भोसले याची पत्‍नी गितांजली होती. शनिवारी महामुनी दाम्‍पत्‍य घरी परतले असता घरातील सोन्याच्या २ अंगठ्या, १ मिनीगंठण व १ मोठे गंठण असे एकूण २ लाख ७ हजार रुपयांचे दागिने गायब होते. गितांजली गायब होती. तिला कॉल केले असता तेही तिने उचलले नाहीत. त्‍यामुळे तिच्यावर संशय बळावला आहे. अधिक तपास सहायक पोलीस निरीक्षक सुनील मस्के करत आहेत.