गोमांसाच्या अफवेने जमाव जमला, निघाले ‘चिकन वेस्ट’; दिवाण देवडी परिसरातील घटना

By City News Desk

On 21 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : गोमांसाची वाहतूक होत असल्याच्या अफवेने मोठा जमाव जमून त्‍यांनी एका मालवाहू वाहनाला पकडले. चालकावर प्रश्नांची सरबत्ती सुरू असतानाच, सिटी चौक पोलिसांनी घटनास्‍थळी येऊन चालकाची चौकशी केली. त्‍यानंतर ते गोमांस नसून बॉयलर चिकनवेस्ट असल्याचे समोर आले. दिवाण देवडी भागात रविवारी (२० ऑक्टोबर) रात्री पावणेदहाच्या सुमारास हा प्रकार घडला. उघड्या वाहनातून गोमांस […]

छत्रपती संभाजीनगर (सीएससीएन वृत्तसेवा) : गोमांसाची वाहतूक होत असल्याच्या अफवेने मोठा जमाव जमून त्‍यांनी एका मालवाहू वाहनाला पकडले. चालकावर प्रश्नांची सरबत्ती सुरू असतानाच, सिटी चौक पोलिसांनी घटनास्‍थळी येऊन चालकाची चौकशी केली. त्‍यानंतर ते गोमांस नसून बॉयलर चिकनवेस्ट असल्याचे समोर आले. दिवाण देवडी भागात रविवारी (२० ऑक्टोबर) रात्री पावणेदहाच्या सुमारास हा प्रकार घडला.

उघड्या वाहनातून गोमांस नेले जात असल्याची अफवा पसरली होती. काही नागरिकांनी वाहनाचा पाठलाग करून ते वाहन अडवले. काही वेळातच मोठा जमाव जमला. सिटी चौक पोलिसांना कळताच त्‍यांनी घटनास्‍थळी येऊन चालकाला ताब्‍यात घेतले. चालक आणि त्‍याच्यासोबतच्या व्यक्‍तीने हे गोमांस नसून बॉयलर चिकन वेस्ट आहे. ते नष्ट करण्यासाठी घेऊन जात असल्याची माहिती दिली. महापालिकेच्या स्वच्‍छता विभागाचे प्रमाणपत्रही त्‍यांनी दाखवले. त्यानंतर जमाव शांत झाला. पोलिसांनी जमावाला पांगवले. या घटनेमुळे काही काळ परिसरात तणाव निर्माण झाला होता.