गावठी पिस्‍तूल घेऊन थांबलेल्या तरुणावर पोलिसांनी घातली झडप!; अहमदपूरहून छत्रपती संभाजीनगरला बंदूक घेऊन येण्याचं कारण काय?

By City News Desk

On 12 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : जळगाव टी पॉइंट ते हायकोर्टाकडे जाणाऱ्या सर्व्हिस रस्‍त्‍यावरील वैद्यनाथ हॉस्पिटलसमोर गावठी पिस्‍तूल घेऊन थांबलेल्या तरुणाला पोलिसांनी रंगेहात पकडले. ही कारवाई शनिवारी (१० ऑगस्ट) रात्री पावणेअकराच्या सुमारास करण्यात आली. वैभव व्यंकट सांगुळे (वय २५, रा. बँक कॉलनी, अहमदपूर, जि. लातूर) असे पकडलेल्या तरुणाचे नाव आहे. त्‍याच्या ताब्‍यातून पिस्‍तूलासह मोटारसायकल (MH16 DK […]

छत्रपती संभाजीनगर (सीएससीएन वृत्तसेवा) : जळगाव टी पॉइंट ते हायकोर्टाकडे जाणाऱ्या सर्व्हिस रस्‍त्‍यावरील वैद्यनाथ हॉस्पिटलसमोर गावठी पिस्‍तूल घेऊन थांबलेल्या तरुणाला पोलिसांनी रंगेहात पकडले. ही कारवाई शनिवारी (१० ऑगस्ट) रात्री पावणेअकराच्या सुमारास करण्यात आली.

वैभव व्यंकट सांगुळे (वय २५, रा. बँक कॉलनी, अहमदपूर, जि. लातूर) असे पकडलेल्या तरुणाचे नाव आहे. त्‍याच्या ताब्‍यातून पिस्‍तूलासह मोटारसायकल (MH16 DK 3925) जप्त करण्यात अली आहे. ही मोटारसायकलही चोरीची असल्याचा संशय आहे. ही कारवाई गुन्हे शाखेचे सहायक पोलीस निरीक्षक विनायक शेळके, पोलीस अंमलदार विजय निकम, विलास मुठे, संजय गावंडे, राजाराम डाखुरे यांनी केली. वैभव सांगुळेविरुद्ध पुंडलिकनगर पोलीस ठाण्यात रविवारी (११ ऑगस्ट) गुन्हा दाखल करण्यात आला आहे. अहमदपूरहून छत्रपती संभाजीनगरला बंदूक घेऊन येण्याचं कारण काय, याचा तपास पोलीस करत आहेत.