कौटुंबिक वादातून २५ वर्षीय विवाहितेने घेतला गळफास, वडगाव कोल्हाटीची घटना, रांजणगाव शेणपुंजीतही ४२ वर्षीय अर्धनग्न व्यक्‍ती आढळला बाभळीला लटकलेला

By City News Desk

On 28 Oct 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : २५ वर्षीय विवाहितेने राहत्‍या घरात किचनमधील पंख्याला गळफास घेऊन आत्‍महत्‍या केली. ही खळबळजनक घटना वाळूज औद्योगिक वसाहतीमधील वडगाव कोल्हाटीतील व्यंकटेश सोसासाटीत रविवारी (२७ ऑक्‍टोबर) पहाटे तीनला समोर आली. रुपाली मयूर अन्वेकर (मूळ रा. शिरपूर, ता. मालेगाव, जि. वाशिम, ह. मु. वडगाव कोल्हाटी) असे या विवाहितेचे नाव आहे. रुपालीचे पती वाळूज […]

छत्रपती संभाजीनगर (सीएससीएन वृत्तसेवा) : २५ वर्षीय विवाहितेने राहत्‍या घरात किचनमधील पंख्याला गळफास घेऊन आत्‍महत्‍या केली. ही खळबळजनक घटना वाळूज औद्योगिक वसाहतीमधील वडगाव कोल्हाटीतील व्यंकटेश सोसासाटीत रविवारी (२७ ऑक्‍टोबर) पहाटे तीनला समोर आली.

रुपाली मयूर अन्वेकर (मूळ रा. शिरपूर, ता. मालेगाव, जि. वाशिम, ह. मु. वडगाव कोल्हाटी) असे या विवाहितेचे नाव आहे. रुपालीचे पती वाळूज येथील एका कंपनीत अभियंता आहेत. त्यांना दोन वर्षांचा मुलगा आहे.

मध्यरात्री रुपालीने गळफास घेतल्याचे कुटुंबीयांच्या लक्षात आले, त्‍यांनी लगेचच तिला घाटी रुग्णालयात दाखल केले असता डॉक्टरांनी तपासून मृत घोषित केले. कौटुंबिक वादातून तिने आत्‍महत्‍या केल्याचे पोलीस सूत्रांनी सांगितले. वाळूज एमआयडीसी पोलिसांनी या प्रकरणी आकस्मिक मृत्यूची नोंद केली आहे.

रांजणगाव शेणपुंजीत ४२ वर्षीय व्यक्‍तीची आत्‍महत्‍या
रांजणगावच्या दत्तनगर फाट्यावरील दारूच्या दुकानामागे रविवारी दुपारी अर्धनग्न अवस्थेत अनोळखी व्यक्‍तीने बाभळीच्या झाडाला गळफास घेतला. पोलीस अंमलदार पंकज साळवे, सुहास मुंडे यांनी घटनास्थळी धाव घेऊन मृतदेह फासावरून उतरवत उत्तरीय तपासणीसाठी घाटी रुग्णालयात पाठवला. त्‍याच्याबद्दल अधिक चौकशी केली असता दासा बाबुराव नरवडे (वय ४२, रा. वसमत, जि. परभणी) अशी त्‍याची ओळख पटली. अधिक तपास वाळूज एमआयडीसी पोलीस करत आहेत.