किराणा दुकान, डेली निड्‌स दुकान फोडून अडीच लाखांचा ऐवज लंपास!, भावसिंगपुऱ्यासह टीव्ही सेंटरजवळील घटना

By City News Desk

On 08 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : भावसिंगपुरा आणि टीव्ही सेंटरच्या डीमार्ट जवळील दोन दुकानांना चोरट्यांनी लक्ष्य करत लाखोंचा ऐवज चोरून नेला. या प्रकरणी मंगळवारी (६ ऑगस्ट) छावणी आणि सिटी चौक पोलिसांनी चोरट्यांविरुद्ध गुन्हे दाखल केले आहेत. -सुबोध वसंतराव वानखेडे (५२, रा. अमितनगर, नंदनवन कॉलनी, भावसिंगपुरा रोड) यांचे किराणा दुकान आहे. दुकानात तीन चोरांनी शटर उचकटून प्रवेश […]

छत्रपती संभाजीनगर (सीएससीएन वृत्तसेवा) : भावसिंगपुरा आणि टीव्ही सेंटरच्या डीमार्ट जवळील दोन दुकानांना चोरट्यांनी लक्ष्य करत लाखोंचा ऐवज चोरून नेला. या प्रकरणी मंगळवारी (६ ऑगस्ट) छावणी आणि सिटी चौक पोलिसांनी चोरट्यांविरुद्ध गुन्हे दाखल केले आहेत.

-सुबोध वसंतराव वानखेडे (५२, रा. अमितनगर, नंदनवन कॉलनी, भावसिंगपुरा रोड) यांचे किराणा दुकान आहे. दुकानात तीन चोरांनी शटर उचकटून प्रवेश केला. १ लाख ३५ हजार रुपये आणि ५ हजारांचे बिस्कीट, चॉकलेट असा १ लाख ४० हजारांचा ऐवज लंपास केला. ही घटना सीसीटीव्हीत कैद झाली आहे.

-कृष्णकांत साहेबराव उचित (४५, रा. एन-१३, भारतनगर) यांचे डीमार्टसमोर श्रीकृष्ण डेली नीड्स अँड जनरल स्टोअर्स नावाने दुकान आहे. ५ ऑगस्ट रोजी ते रात्री नेहमीप्रमाणे दुकान बंद करून घरी गेले. मध्यरात्री चोराने दुकानाचे शटर उचकटून आत प्रवेश केला. लॉकर तोडून ९६ हजार २०० रुपयांची रोकड आणि २० हजारांचा मोबाईल असा १ लाख १६ हजार २०० रुपयांचा ऐवज लंपास केला. या प्रकरणी उचित यांच्या तक्रारीवरून सिटी चौक पोलिस ठाण्यात गुन्हा दाखल करण्यात आला आहे.