कापड व्यावसायिक प्रदीप चुडीवालविरुद्ध अल्पवयीन मुलाची लैंगिक अत्‍याचाराची तक्रार!, न्‍यूड फोटो व्हायरल करण्याची धमकी देत ३ वर्षे करत होता अनैसर्गिक अत्‍याचार

By City News Desk

On 03 Sep 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : बालाजीनगरातील कापड व्यावसायिक प्रदीप हुकुमचंद चुडीवाल (वय ५५) याच्याविरुद्ध १९ वर्षीय तरुणाने लैंगिक अत्‍याचाराची तक्रार नोंदवली आहे. मुलाचे न्यूड फोटो व्हायरल करण्याची धमकी देऊन सलग ३ वर्षे त्‍याने अनैसर्गिक अत्‍याचार केले. बदनामीच्या भीतीने तरुण कुणाला सांगत नव्हता. मात्र वारंवार होणाऱ्या अत्‍याचारामुळे अखेर त्‍याने धाडस करून रविवारी (१ सप्‍टेंबर) जवाहरनगर पोलीस […]

छत्रपती संभाजीनगर (सीएससीएन वृत्तसेवा) : बालाजीनगरातील कापड व्यावसायिक प्रदीप हुकुमचंद चुडीवाल (वय ५५) याच्याविरुद्ध १९ वर्षीय तरुणाने लैंगिक अत्‍याचाराची तक्रार नोंदवली आहे. मुलाचे न्यूड फोटो व्हायरल करण्याची धमकी देऊन सलग ३ वर्षे त्‍याने अनैसर्गिक अत्‍याचार केले. बदनामीच्या भीतीने तरुण कुणाला सांगत नव्हता. मात्र वारंवार होणाऱ्या अत्‍याचारामुळे अखेर त्‍याने धाडस करून रविवारी (१ सप्‍टेंबर) जवाहरनगर पोलीस ठाण्यात तक्रार दिली. त्‍यावरून पोलिसांनी प्रदीप चुडीवालविरुद्ध गुन्हा दाखल केला आहे.

तरुणाने दिलेल्या तक्रारीनुसार, १ जुलै २०२१ ते ३० जून २०२४ या काळात बालाजीनगरात त्‍याच्यावर व्यापारी चुडीवालने अनैसर्गिक कृत्‍य केले. चुडीवाल व तरुणाची ओळख २०२१ मध्ये झाली. तेव्हा हा तरुण १६ वर्षांचा होता. चुडीवालने त्याला नोकरी लावून देण्याचे आणि पैशाचे आमिष दाखवून घरी बोलावले.

त्याच्यासोबत अनैसर्गिक अत्याचार करून त्याचे नग्न फोटो मोबाइलमध्ये काढले. त्यानंतर ते फोटो व्हायरल करून बदनामी करण्याची व जीवे मारण्याची धमकी दिली. चुडीवालने जुलै २०२१ ते ऑगस्ट २०२४ दरम्यान त्याला वेगवगळ्या ठिकाणी नेऊन अनैसर्गिक अत्याचार केला. या प्रकरणात पोलिसांनी पोक्‍सोसह ॲट्रॉसिटीचेही कलम लावले आहेत. अधिक तपास सहायक पोलीस आयुक्त रणजित पाटील करत आहेत.