छत्रपती संभाजीनगर (सीएससीएन वृत्तसेवा) : कंपनीत काम करताना महिलेची मॅनेजरसोबत जवळीक निर्माण झाली. त्याने दुचाकीवरून कमळापूर परिसरात नेत तिच्यावर बलात्कार केला. नंतरच्या काळात या प्रेमसंबंधामुळे तिचा संसार तुटला. तिचा पती वेगळे राहू लागला. मॅनेजरने मग तिला लग्नाचे आमिष दाखवून राजरोस शारीरिक संबंध ठेवायला सुरुवात केली. मात्र तो लग्न करण्यास टाळाटाळ करत होता. फसवणूक होत असल्याचे लक्षात आल्याने महिलेने मॅनेजरविरुद्ध वाळूज एमआयडीसी पोलीस ठाण्यात तक्रार दिली. त्यावरून पोलिसांनी महेंद्र रमेश सोनपेठकर (रा. श्रद्धा पार्क, बी १७, बजाजनगर) याच्याविरुद्ध गुन्हा दाखल केला आहे.
काय आहे प्रकरण…
पीडित महिला ४३ वर्षांची आहे. तिचे २३ वर्षांपूर्वी लग्न झाले होते. ती बजाजनगरात मुलासह राहते. सन २००९ मध्ये ती वाळूज एमआयडीसीतील एका कंपनीत काम करत असताना तिची कंपनीचा व्यवस्थापक महेंद्र सोनपेठकरसोबत जवळीक वाढली. महेंद्र नेहमी तिच्याशी लगट करून अश्लील चाळे करायचा. सन २०११ मध्ये एकेदिवशी त्याने तिला दुचाकीने रात्रीच्या वेळी कमळापूर परिसरात नेत तिच्यासोबत शारीरिक संबंध प्रस्थापित केले. कालांतराने महिलेने कंपनी सोडली. त्याआधी तिने महेंद्रच्या ओळखीने ७५ हजारांची विमा पॉलिसी काढली होती.
मात्र पॉलिसीची पावती मिळत नसल्याने तिने पैसे परत करा किंवा पावती द्या, असा तगादा महेंद्रकडे लावला. याचदरम्यान पॉलिसीच्या पावतीवरून दोघांत वाद होऊन महेंद्रने तिला ढकलून दिल्याने ती जखमी झाली होती. उपचारादरम्यान बिंग फुटू नये म्हणून महेंद्रने तिला ७५ हजारांचा धनादेश दिला. मात्र हा धनादेशही वटला नाही. तिने याबाबत त्याला जाब विचारला. त्यानंतर महेंद्रने महिलेच्या पतीला तिच्या चारित्र्याबाबत माहिती दिली. त्यामुळे तिच्या पतीने तिच्यापासून विभक्त राहायला सुरुवात केली. तिने पतीकडे पोटगीसाठी न्यायालयात दावा दाखल केला. त्याचवेळी महेंद्रविरुद्धही तिने धनादेश न वटल्याप्रकरणी दावा दाखल केला. दाव्यानंतर महेंद्रने तिला पैसे परत करत माफी मागितली होती.
मग राजरोस शारीरिक संबंध…
महिलेला पतीने सोडल्याने ती मुलासह एकटीच राहत होती. यादरम्यान महेंद्र तिच्याकडे आला व म्हणाला, की माझ्यामुळे तुझा संसार मोडला. आता आपण लग्न करू, असे म्हणत त्याने लग्नाचे आमिष दाखविले. तिनेही त्याच्यावर विश्वास ठेवत त्याच्याशी पुन्हा शारीरिक संबंध ठेवायला सुरुवात केली. राजरोस तिच्यासोबत शरीरसंबंध ठेवत असताना लग्नाला मात्र तो टाळाटाळ करत होता. आपली पुन्हा फसवणूक होत असल्याचे लक्षात आल्यावर तिने वाळूज एमआयडीसी पोलीस ठाणे गाठून त्याच्याविरुध्द तक्रार दिली आहे. त्यावरून पोलिसांनी महेंद्रविरुद्ध गुन्हा दाखल केला आहे.
.jpg)
.jpg)
