कंपनीतून घरी येताना महिलेचे मंगळसूत्र हिसकावून चोरटे पसार!; बजाजनगरातील घटना

By City News Desk

On 29 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : महिलेच्या गळ्यातील ३५ हजार रुपये किमतीचे मंगळसूत्र हिसकावून दुचाकीस्वार दोन चोरट्यांनी पळ काढला. ही घटना मंगळवारी (२७ ऑगस्ट) सायंकाळी सहाच्या सुमारास बजाजनगरात घडली. विना क्रमांकाच्या दुचाकीवरून आलेले चोरटे वडगावच्या दिशेने सुसाट पसार झाले. मीनाक्षी नारायण दोमाटे (वय ३७, रा. त्रिमूर्ती चौक, बजाजनगर) यांनी वाळूज एमआयडीसी पोलीस ठाण्यात या प्रकरणात तक्रार […]

छत्रपती संभाजीनगर (सीएससीएन वृत्तसेवा) : महिलेच्या गळ्यातील ३५ हजार रुपये किमतीचे मंगळसूत्र हिसकावून दुचाकीस्वार दोन चोरट्यांनी पळ काढला. ही घटना मंगळवारी (२७ ऑगस्ट) सायंकाळी सहाच्या सुमारास बजाजनगरात घडली. विना क्रमांकाच्या दुचाकीवरून आलेले चोरटे वडगावच्या दिशेने सुसाट पसार झाले.

मीनाक्षी नारायण दोमाटे (वय ३७, रा. त्रिमूर्ती चौक, बजाजनगर) यांनी वाळूज एमआयडीसी पोलीस ठाण्यात या प्रकरणात तक्रार दिली. त्‍यावरून चोरट्यांविरुद्ध गुन्हा दाखल करण्यात आला आहे. मीनाक्षी एका कंपनीत काम करतात. मंगळवारी सायंकाळी महाराणा प्रताप चौकातून घरी येत असताना गजानन महाराज मंदिराजवळ मागून दुचाकीवरून आलेल्या दोघांनी त्यांच्याजवळ येताच दुचाकीचा वेग कमी केला. मागे बसलेल्याने १३ ग्रॅम वजनाचे मंगळसूत्र हिसकावण्याचा प्रयत्न केला. दोमाटे यांनी मंगळसूत्र घट्ट पकडल्याने मंगळसूत्राचा काही भाग त्यांच्या हाती लागला. सहायक पोलीस निरीक्षक मनोज शिंदे अधिक तपास करत आहेत.