एकटी महिला पाहून घरात घुसलेल्या दोघांनी केला बलात्‍काराचा प्रयत्‍न!; वाळूज एमआयडीसीतील धक्कादायक घटना

By City News Desk

On 03 Sep 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : घरात झोपलेल्या ३८ वर्षीय महिलेवर घुरात घसून दोघांनी बलात्‍काराचा प्रयत्‍न केला. सासू मदतीला धावून आल्याने दोघे शिवीगाळ करत पळून गेले. ही घटना वाळूज एमआयडीसीतील रामपुरी वडगाव गायरान शिवारात (ता. गंगापूर) शनिवारी (३१ ऑगस्ट) रात्री दहाच्या सुमारास घडली. महिलेच्या तक्रारीवरून वाळूज एमआयडीसी पोलिसांनी दोघांविरुद्ध गुन्हा दाखल केला आहे. ताराचंद दाभाडे व […]

छत्रपती संभाजीनगर (सीएससीएन वृत्तसेवा) : घरात झोपलेल्या ३८ वर्षीय महिलेवर घुरात घसून दोघांनी बलात्‍काराचा प्रयत्‍न केला. सासू मदतीला धावून आल्याने दोघे शिवीगाळ करत पळून गेले. ही घटना वाळूज एमआयडीसीतील रामपुरी वडगाव गायरान शिवारात (ता. गंगापूर) शनिवारी (३१ ऑगस्ट) रात्री दहाच्या सुमारास घडली. महिलेच्या तक्रारीवरून वाळूज एमआयडीसी पोलिसांनी दोघांविरुद्ध गुन्हा दाखल केला आहे.

ताराचंद दाभाडे व त्‍याचा साथीदार (दोघे रा. रामपुरी वडगाव) अशी संशयितांची नावे आहेत. पीडिता महिला पती, दोन मुलांसह रामपुरी वडगाव गायरान शिवारात राहते. शनिवारी सकाळी तिचा पती कामानिमित्त बाहेरगावी गेला होता. दोन मुलांसह ती घरी होती. रात्री दहाला ताराचंद दाभाडे साथीदारासह तिच्या घरात शिरला. आम्हाला जेवायला दे, असे म्हणू लागला. तिने मी स्वयंपाक केलेला नसून घरात जेवायला काही नाही, असे सांगितले व घरात कुणी नसल्याने जायला सांगितले.

यावेळी ताराचंदने तिचा हात धरून अश्लील कृत्‍य करायला सुरुवात केली. तिने आरडाओरड केल्याने सासू धावत आली. सासूने दोघांना चोप देतच घरातून हाकलले. या गोंधळात नातेवाइकही जमले. त्यामुळे शिवीगाळ करून ताराचंद व त्याचा साथीदार पळून गेले. पती गावावरून आल्यावर महिलेने घडलेला प्रकार सांगितला. त्यानंतर वाळूज एमआयडीसी पोलीस ठाण्यात येऊन तक्रार देण्यात आली. अधिक तपास केला जात आहे.