आर्या अन्‌ तिच्या साथीदारांचा २९ वर्षीय तरुणाला १० लाखांचा गंडा, छत्रपती संभाजीनगरातील प्रकार, नक्की काय घडलं वाचा…

By City News Desk

On 19 Nov 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : नोकरीच्या शोधात असलेल्या २९ वर्षीय तरुणाला आर्या व तिच्या साथीदारांनी ऑनलाइन जॉबचे आमिष दाखवून तब्‍बल १० लाख रुपयांचा गंडा घातला आहे. फसवणूक झाल्याचे लक्षात आल्यावर तरुणाने सिटी चौक पोलीस ठाण्यात तक्रार दिली. त्‍यावरून पोलिसांनी सोमवारी (१८ नोव्‍हेंबर) गुन्हा दाखल केला आहे. गुलमंडीतील कुंभारवाड्यात राहणाऱ्या तरुणाची फसवणूक झाली आहे. त्‍याने दिलेल्या […]

छत्रपती संभाजीनगर (सीएससीएन वृत्तसेवा) : नोकरीच्या शोधात असलेल्या २९ वर्षीय तरुणाला आर्या व तिच्या साथीदारांनी ऑनलाइन जॉबचे आमिष दाखवून तब्‍बल १० लाख रुपयांचा गंडा घातला आहे. फसवणूक झाल्याचे लक्षात आल्यावर तरुणाने सिटी चौक पोलीस ठाण्यात तक्रार दिली. त्‍यावरून पोलिसांनी सोमवारी (१८ नोव्‍हेंबर) गुन्हा दाखल केला आहे.

गुलमंडीतील कुंभारवाड्यात राहणाऱ्या तरुणाची फसवणूक झाली आहे. त्‍याने दिलेल्या तक्रारीनुसार, त्‍याला आर्याने कॉल करून ऑनलाइन जॉबचे आमिष दाखवले. हॉटेलला रेटिंग करण्याचा जॉब दिला. त्‍यासाठी वेळोवेळी वेगवेगळे टास्‍क दिले. या टास्कमध्ये सुरुवातीला आदित्यला पैसेही दिले. नंतर मात्र वेळोवेळी वेगवेगळ्या रकमा घेत त्‍याच्याकडून एकूण ९ लाख ९६ हजार रुपये उकळले. हे टास्क पूर्ण करण्यासाठी त्‍याला आर्याबरोबरच दिपाली, सरिता, दीपक तांबे नावाच्या व्यक्‍तीचे कॉल, मेसेज येत होते. अधिक तपास पोलीस निरीक्षक निर्मला परदेशी करत आहेत.