आता हद्दच केली… तलवार घेऊन, हातात रायफल घेऊन फोटो टाकले व्हॉट्‌स ॲप ग्रुपवर!; ओव्हरगाव प्रकरणात जब्‍बार पठाण, समीर खाँकडून दहशत निर्माण करण्याचा प्रयत्‍न?

By City News Desk

On 22 Aug 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : ओव्हरगाव (ता. छत्रपती संभाजीनगर) येथील १७ वर्षीय पूजा शिवराज पवार हिला माझ्यावर प्रेम कर नाहीतर तुझ्या कुटुंबीयांना जीवे मारतो, अशी धमकी देऊन आत्‍महत्‍येस प्रवृत्त करणाऱ्या नराधम कासीम यासीन पठाण (वय २१, ओव्हरगाव) याला पोलिसांनी अटक केली. या प्रकरणात अवघे गाव पीडित पूजाच्या बाजूने उभे राहिले. हर्सूल टी पॉइंट चौकात सकल […]

छत्रपती संभाजीनगर (सीएससीएन वृत्तसेवा) : ओव्हरगाव (ता. छत्रपती संभाजीनगर) येथील १७ वर्षीय पूजा शिवराज पवार हिला माझ्यावर प्रेम कर नाहीतर तुझ्या कुटुंबीयांना जीवे मारतो, अशी धमकी देऊन आत्‍महत्‍येस प्रवृत्त करणाऱ्या नराधम कासीम यासीन पठाण (वय २१, ओव्हरगाव) याला पोलिसांनी अटक केली. या प्रकरणात अवघे गाव पीडित पूजाच्या बाजूने उभे राहिले. हर्सूल टी पॉइंट चौकात सकल हिंदू समाजाने बुधवारी रास्ता रोकोही केला. एवढे सर्व वातावरण तापलेले असताना धर्मांध झालेल्यांनी मात्र गावात दहशत निर्माण करण्याचा प्रयत्‍न काही सोडलेला नाही. गावाला घाबरविण्यासाठी जब्बार उर्फ गफ्फारखा पठाण (वय ३०, रा. ओव्हरगाव) व सलीम खाँ जमीन खाँ (वय ३२, रा. ओव्हरगाव) या दोघांनी हातात तलवार व रायफल घेऊन रागात पाहतानाची छायाचित्रे गाव व परिसरातील नागरिकांच्या व्हॉट्‌स ॲप ग्रुपवर शेअर केली आहेत.

पोलीस अंमलदार आकाश संजय जायभाये यांनी दोघांविरुद्ध हर्सूल पोलीस ठाण्यात दिलेल्या तक्रारीवरून या प्रकरणात गुन्हे दाखल करण्यात आले आहेत. बुधवारी रात्री हा प्रकार समोर आला. समीर खाँ हा उजव्या हातात धारदार तलवार घेऊन रागात पाहत असल्याचा फोटो व दुसऱ्या फोटोत तो लाल रंगाच्या कव्हरमध्ये तलवार टाकताना दिसत आहे. जब्बार पठाण हा कारपुढे उभा राहून हातात एक रायफल घेऊन आहे. हे फोटो ग्रामस्थांच्या व्हॉट्‌स ॲप ग्रुपवर शेअर करून दोघांनी नागरिकांत दहशत निर्माण केल्याचे तक्रारीत आकाश जायभाये यांनी म्‍हटले आहे. अधिक तपास पोलीस अंमलदार भाऊसाहेब पवार करत आहेत.