आणखी एक घटना : इंजिनिअरिंगच्या विद्यार्थिनीला लव्ह जिहादच्या जाळ्यात अडकविण्याचा प्रयत्‍न अयशस्वी होताच शाबाज खानने आधी विनयभंग केला, नंतर मुलीच्या आई-वडिलांना शिवीगाळ, धमक्या

छत्रपती संभाजीनगर (सीएससीएन वृत्तसेवा) : सातारा परिसरात एका धर्मांधाने हिंदू मुस्लिम महिलेला लैंगिक गुलाम बनवल्याची घटना समोर आली होती. त्यानंतर आता एका इंजिनिअरिंगच्या विद्यार्थिनीला लव्ह जिहादच्या जाळ्यात अडकविण्याचा प्रयत्‍न समोर आला आहे. सावज त्याच्या जाळ्यात अडकत नाही हे पाहून त्‍याने विकृतीचा कळस गाठला. आधी तिला रस्त्यावर अडवून छेड काढली. ती त्‍याला ढकलून कॉलेजला गेली. त्‍यानंतर त्‍याची हिंमत इतकी वाढली की तो थेट तिच्या घरी आला आणि गेटचे लॉक तोडून दरवाजा कुंपनात येत दरवाजा वाजवू लागला. तरुणीकडे पाहून अश्लील चाळे केले. नंतर तरुणीच्या आई कॉल करून शिवीगाळ केली. तिच्या वडिलांनी पोलिसांत जाण्याचा इशारा दिला असता जीवे मारण्याची धमकी दिली. धर्मांधाच्या या कृत्‍याने हे कुटुंब दहशतीखाली आले असून, नराधमाविरुद्ध कडक कारवाई करावी, अशी मागणी करण्याची मागणी होत आहे. पुंडलिकनगर पोलीस ठाण्यात तरुणीने दिलेल्या तक्रारीवरून पोलिसांनी शाबाज जाकेर खान पिजारे (वय २३, रा. भारतनगर, ग. नं. १९, छत्रपती संभाजीनगर) याच्याविरुद्ध २६ जुलैला गुन्हा दाखल केला आहे.

या प्रकरणात १९ वर्षीय तरुणीने तक्रार दिली आहे. ती बी. टेक.चे शिक्षण घेते. नवनाथनगरात कुटुंबीयांसोबत राहते. तक्रारीत तिने म्हटले आहे, की १० जूनला २०२४ रोजी सकाळी पावणेनऊला ती कॉलेजला जात असताना जवळच्याच गल्लीत राहणारा शाबाज जाकेर खान पिजारे हा मागे मागे येऊन पाठलाग करून हाताने अश्लील इशारे करत होता. त्यावर तरुणीने जाब विचारला असता त्याने तिचा हात पकडला. तरुणीने त्याला ढकलून देत कॉलेजला निघून गेले. त्यानंतर शाबाज खान याने झालेला प्रकार घरी सांगू नको.

मी तुझी माफी मागतो, असे म्हटल्याने तिने या घटनेकडे दुर्लक्ष केले. यामुळे त्याची हिंमत वाढली. त्याने २६ जुलैला पहाटे पाचला तिचे घर गाठले. गेटचे लॉक तोडून तो आत आला व दरवाजा वाजवू लागला. तरुणीने खिडकीतून पाहिले असता त्याने तिला पाहून अश्लील चाळे सुरू केले. मुलीचे वडील खिडकीत आले असता तो पळून गेला. त्याने गेटवर लावलेल्या पाटीवरील तरुणीच्या आईच्या मोबाइल नंबरवर कॉल करून शिवीगाळ केली. तिच्या वडिलांनी आम्ही पोलीस तक्रार करतो असे म्‍हटले असता शाबाज खान याने त्यांना जीवे मारण्याची धमकी दिली. त्‍यामुळे हे कुटुंब दहशतीखाली आले. त्‍यांनी पुंडलिकनगर पोलिसांत धाव घेतली. पोलिसांनी हे प्रकरण गांभीर्याने घेऊन तातडीने शाबाज जाकेर खानविरुद्ध गुन्हा दाखल केला आहे. अधिक तपास पोलीस उपनिरीक्षक रेशीम कोळेकर करत आहेत.