अरेरेऽऽ पतीसोबत भांडण झाल्यावर रागात घर सोडलेल्या शिक्षिकेला अज्ञात वाहनाने चिरडले!; जागीच मृत्‍यू, गोलवाडी फाटा परिसरातील घटना

By City News Desk

On 11 Oct 2024

"छत्रपती संभाजीनगर सिटी न्यूज' वेबसाईटवर प्रसिद्ध होणारा मजकूर, छायाचित्रे 'मेट्रोपोलिस पोस्ट' वृत्तपत्राच्या परवानगीशिवाय पूर्णतः किंवा अंशतः कॉपी करण्यास सक्त मनाई आहे. असे करताना कुणीही आढळल्यास कोणतीही वेगळी नोटीस न देता कायदेशीर कारवाई केली जाईल याची नोंद घ्यावी. - संपादक, मेट्रोपोलिस पोस्ट वृत्तपत्र

छत्रपती संभाजीनगर (सीएससीएन वृत्तसेवा) : पती-पत्‍नीत वाद झाल्यानंतर शिक्षिका असलेल्या पत्‍नीने रागाच्या भरात घर सोडले. पायीच त्‍या चालत छत्रपती संभाजीनगर-पुणे रस्त्‍यावरील गोलवाडी फाट्याजवळ आल्या. त्‍याचवेळी भरधाव वाहन त्‍यांना चिरडून पसार झाले. ही घटना गुरुवारी (१० ऑक्‍टोबर) पहाटे चारला समोर आली. मोहनिका मोहनराव गोरे (वय ३४, रा. गाडेकरनगर, रांजणगाव शेणपुंजी) असे मृत्‍यू झालेल्या महिलेचे नाव आहे. […]

छत्रपती संभाजीनगर (सीएससीएन वृत्तसेवा) : पती-पत्‍नीत वाद झाल्यानंतर शिक्षिका असलेल्या पत्‍नीने रागाच्या भरात घर सोडले. पायीच त्‍या चालत छत्रपती संभाजीनगर-पुणे रस्त्‍यावरील गोलवाडी फाट्याजवळ आल्या. त्‍याचवेळी भरधाव वाहन त्‍यांना चिरडून पसार झाले. ही घटना गुरुवारी (१० ऑक्‍टोबर) पहाटे चारला समोर आली. मोहनिका मोहनराव गोरे (वय ३४, रा. गाडेकरनगर, रांजणगाव शेणपुंजी) असे मृत्‍यू झालेल्या महिलेचे नाव आहे.

मोहनिका या खासगी शाळेत शिक्षिका होत्या. त्यांचे पती वाळूज एमआयडीसीतील एका कंपनीत कामाला आहेत. पती-पत्नीत बुधवारी मध्यरात्री भांडण झाले. त्‍यामुळे मोहनिका रागातच मध्यरात्री दीडला घरातून बाहेर पडल्या. पायी त्या थेट गोलवाडी फाटा परिसरात आल्या. भरधाव वाहनाने त्‍यांना चिरडून पसार झाले. पोलिसांनी सीसीटीव्ही फूटेज तपासले असता त्‍या घरापासून पाच किलोमीटरपर्यंत पायी चालत असल्याचे दिसून आले.

मोहनिका यांना ४ वर्षांचा मुलगा व ६ महिन्यांची मुलगी आहे. पत्‍नीने घर सोडल्यानंतर पतीने शोध सुरू केला असता ते पत्नीला शोधत गोलवाडी परिसरात आले. तिथे मोहनिका यांचा अपघात झाल्याचे त्‍यांना दिसले. त्यांनी पोलिसांना कळवल्यानंतर पोलिसांनी घटनास्‍थळी धाव घेतली. मोहनिका यांनी वाहनासमोर उडी घेऊन आत्महत्या केली की अपघात झाला याचा तपास पोलीस करत आहेत. छावणी पोलिसांनी आकस्मिक मृत्यूची नोंद केली आहे.