वेरूळमध्ये MTDC चे पर्यटक निवास!, २ हजारांत AC रूम, छतावरून निसर्गरम्य वेरूळ लेण्यांतील शिल्प पाहण्याचा आनंद…

By City News Desk

On 23 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

खुलताबाद (सीएससीएन वृत्तसेवा) : वेरूळ लेणीच्या मुख्य प्रवेशद्वाराच्या ३०० मीटर अंतरावर महाराष्ट्र पर्यटन विकास मंडळाने (एमटीडीसी) पाच कोटी रुपये खर्चून राष्ट्रकूट पर्यटक निवास उभारले आहे. या ठिकाणी अवघ्या दोन हजारांत एसी रूम मिळेल. पर्यटकांना या निवासाच्या छतावरून निसर्गरम्य वेरूळ लेण्यांतील कैलास शिल्प पाहता येईल. या रूमचे बुकिंग ऑगस्टपासून सुरू होणार आहे. वेरूळ लेणी पाहण्यासाठी जगभरातून […]

खुलताबाद (सीएससीएन वृत्तसेवा) : वेरूळ लेणीच्या मुख्य प्रवेशद्वाराच्या ३०० मीटर अंतरावर महाराष्ट्र पर्यटन विकास मंडळाने (एमटीडीसी) पाच कोटी रुपये खर्चून राष्ट्रकूट पर्यटक निवास उभारले आहे. या ठिकाणी अवघ्या दोन हजारांत एसी रूम मिळेल. पर्यटकांना या निवासाच्या छतावरून निसर्गरम्य वेरूळ लेण्यांतील कैलास शिल्प पाहता येईल. या रूमचे बुकिंग ऑगस्टपासून सुरू होणार आहे.

वेरूळ लेणी पाहण्यासाठी जगभरातून रोज ५ हजार पर्यटक, तर घृष्णेश्वर मंदिरात दर्शनासाठी २५ हजारांवर भाविक येतात. खासगी हॉटेलचालक एका दिवसासाठी एसी रूमचे ४ हजार रुपये भाडे आकारतात. त्‍या तुलनेत एमटीडीसीच्या पर्यटक निवासात दोन हजारांत एसी रूम मिळणार आहे. पर्यटक निवासात २० रूम, २ लोक निवास आणि १ रेस्टॉरंट आहे. निवासामध्ये अभ्यासिका, टीव्हीची व्यवस्था आहे. जेवणदेखील येथेच मिळणार आहे. ऑगस्टपासून बुकिंग सुरू होईल. खासगी हॉटेलपेक्षा खोल्यांचे दर कमी आहेत, असे एमटीडीसीचे प्रादेशिक व्यवस्थापक दीपक हरणे यांनी पत्रकारांना सांगितले.