इंडियन सोसायटी ऑफ स्ट्रक्चरल इंजिनिअर्स संघटनेच्या अध्यक्षपदी शिल्पा दाणेकर, सचिवपदी सतीश कोलते, नव्या पदाधिकाऱ्यांचा पदग्रहण सोहळा थाटामाटात

By City News Desk

On 15 Jul 2024

Copying of any text or photographs published on this website in whole or in part without the permission of 'Metropolis Post' newspaper is strictly prohibited. Please note that legal action will be taken if anyone is found doing so. - Editor, Metropolis Post

छत्रपती संभाजीनगर (सीएससीएन वृत्तसेवा) : इंडियन सोसायटी ऑफ स्ट्रक्चरल इंजिनिअर्स संघटनेच्या अध्यक्षपदी शिल्पा दाणेकर, सचिवपदी सतीश कोलते, सहसचिवपदी सोहेल शेख तर खजिनदार म्हणून रश्मी साळवे यांची निवड झाली आहे. नवनिर्वाचित पदाधिकाऱ्यांचा पदग्रहण सोहळा नुकताच हॉटेल रामा इंटरनॅशनलमध्ये झाला. या नवनिर्वाचित कार्यकारिणीचा कार्यकाळ २०२६ पर्यंत असेल. पदग्रहण सोहळ्याला प्रमुख पाहुणे म्हणून महापालिकेचे अतिरिक्त आयुक्त रणजित पाटील, […]

छत्रपती संभाजीनगर (सीएससीएन वृत्तसेवा) : इंडियन सोसायटी ऑफ स्ट्रक्चरल इंजिनिअर्स संघटनेच्या अध्यक्षपदी शिल्पा दाणेकर, सचिवपदी सतीश कोलते, सहसचिवपदी सोहेल शेख तर खजिनदार म्हणून रश्मी साळवे यांची निवड झाली आहे. नवनिर्वाचित पदाधिकाऱ्यांचा पदग्रहण सोहळा नुकताच हॉटेल रामा इंटरनॅशनलमध्ये झाला.

या नवनिर्वाचित कार्यकारिणीचा कार्यकाळ २०२६ पर्यंत असेल. पदग्रहण सोहळ्याला प्रमुख पाहुणे म्हणून महापालिकेचे अतिरिक्त आयुक्त रणजित पाटील, उपसंचालक (नगर रचना) मनोज गर्गे व विशेष अतिथी म्हणून एस. आर. जे. पित्ती स्टीलचे कार्यकारी संचालक विनय पित्ती उपस्थित होते. संघटनेचे मावळते अध्यक्ष करीम पठाण, नवीद अख्तर, कमल राव यांच्यासह विविध संघटनांचे पदाधिकारी, इंजिनिअरिंग कॉलेजेसचे ज्येष्ठ लेक्चरर्स व स्ट्रक्चरल इंजिनिअर्स मोठ्या संख्येने उपस्थित होते.

आधुनिक तंत्रज्ञानाची माहिती सर्व सदस्यांना उपलब्ध करून देण्यासाठी आयआयटीसारख्या प्रतिष्ठित शिक्षण संस्थांच्या तज्‍ज्ञांचे लेक्चर्स आयोजित करण्यात येतील. या क्षेत्रातील विद्यार्थ्यांना अपग्रेड करीत इंडस्ट्री रेडी करण्यासाठी या भागातील इंजिनिअरिंग कॉलेजेससोबत सामंजस्य करार करण्याचा मानस आहे.
-नवनिर्वाचित अध्यक्ष शिल्पा दाणेकर